عارف يعني ايه { فيك حتة ايمــــان } ؟؟

عارف يعني ايه { فيك حتة ايمــــان } ؟؟
    عارف يعني ايه { فيك حتة ايمــــان } ؟؟


    يعني اما تكون بتسمع اغاني ومعلي الصوت على الاخر .. اول ما تلاقي الاذان بيأذن
    توقف الاغاني احتراماً لأذان ربنــا ..






    ♥♥



    عارف يعني ايه { فيك حتة ايمــــان } ؟؟


    يعني اما تبقى واقف مع صحابك بتشرب سجاير .. ويعدي من قدامك راجل ملتزم
    بتنزل السجاره وتخبيها ورا ايدك عشان ميتضايقش


    ♥♥



    عارف يعني ايه { فيك حتة ايمــــان } ؟؟


    يعني اما تروح في مكان .. وتلاقي مسجد جمبك .. وشباب زي الورد زيك رايحين يصلو وبيجرو عشان الركعه مش تفوتهم .. تلاقي نفسك بتطلب من ربنا يهديك


    ♥♥



    عارف يعني ايه { فيك حتة ايمــــان } ؟؟


    يعني اما تشوف بنت راكبه في الميكروباص والبادي اترفع شويه وظهرها بان .. تقوم قايلها يا انسه ظهرك باين .. حتى لو خدتها هيا على انك بتعاكسها .. كفايا نيتك من جوا انك تستر بنت ومتخليش حد تاني يشوف عوره ظهرت منها من غير قصد


    ♥♥





    عارف يعني ايه { فيك حتة ايمــــان } ؟؟


    يعني اما تسمع خبر وفاة حد تعرفه .. تقعد تفكر في دنيتك اللي شاغلاك عن اخرتك
    وتدعي ربنا يهديك






    ♥♥



    عارف يعني ايه { فيك حتة ايمــــان } ؟؟


    يعني اما تمشي في الشارع وتلاقي كيس بلاستيك او قشرة موزه او لقمة عيش واقعه على الارض . تشيلها وانت مقتنع ان " اماطة الأذى عن الطريق صدقه "






    ♥♥



    عرفت بقى يعني ايه فيك حتة ايمان ؟؟


    يعني ان انت محتاااااااااااج حد يسقي بذرة الايمان اللي عندك
    عشان تنمو وتطرح على وشك بشاشه ونور وراحة

    إرسال تعليق